Recovered from an old computer…. The joys of spring cleaning, I guess… Apologies for any one who finds the pidgin English excessively ‘conc’
Not too long ago I resumed at one of the much vilified companies in Nige… No complaints from me though, as long as them roger me my small thing at the end of the month and dem no kidnap me – No long thing.. I went to complete my in-processing a few weeks ago. Over serious naijaboy like me go organize better trouser and korrect shirt, come tuck-in with my glasses and fresh hair cut. Mehn.. Me sef trip na, as I look myself for mirror o.. Note to self – Next time take a photograph for posterity’s sake!
But sha police na the same everywhere o, whether dem stand for road or dem be Security Specialist, all na the same o…
Like a real ju-man, I arrived there well ahead of time. 8 am sharp, I don tanda for the gate, meanwhile na 10 o’clock dem talk for the letter o. The gate was closed as expected. But I just waited anyways. One police man come dey eye me one kind. Me self dey pose na, like wetin concern me, na Oga I come see o, not police.
Maybe the police come dey suspect sha, cos after a while he walked up to me. Like a well brought up Naija boy, I come greet the guy.
Me: Good morning sir,
Policeman: Yes, Ken I help you? You have been loitering around here for a while
Shoo – persin wey seat down for bench outside gate, na loitering be that?
Me: Yes please, I need to see Mr ** in HR
Maybe I was imagining it, but the police man was suddenly more alert.
Policeman: Do you have an appointment? You can’t just see him like that. He is very busy especially on Tuesdays.
Before nko? Which one concern me concern day of the week? Shebi I get letter
Me: Yes I do, I have a letter.
Mistake number one, telling him I had a letter. Mistake number two having my appointment letter in the top section of my portmanteau.
Policeman: Oh you do? Lemme have a look at it. I need to verify the signatures.
Naïve me, promptly delved into my portmanteau begin find the letter o.
Me: Here it is.
See wahala o, police man dey jack the letter like say na JAMB exam o..
Policeman: Ermm, young man, follow me. You need to speak to my superior officer.
Omo, one kain fear begin grip me sha o, Abi na fake letter dem send give me?
Superior officer ke? Na so dem go bundle me go kirikiri o.. And some kain string faced community boys dey outside gate dey try peep sha.
Anyhow, superior officer turned out to be one woman with a very Igbo-itic skin color. I come dey believe small sha, say if e too hard I go beg am as Mummy. There was a barrier – like the stuff at banks, so I stayed outside it. She motioned for me after a while.
MummyPolice: *No long thing*, come over.
I jejely waka enter the barrier go meet the woman o. I dey use style spy her name tag whether I go fit see her name, no be lie na one Ibo name like that sha.
MummyPolice: Do you have any identification? I mean how can we verify that this is you? A lot of you young men are into impersonation.
Haba! Impersonation ke? Me wey don drop my ID card for school and Nige no gree give me National ID card. How I wan take prove say I be me?
Thankfully, my ID card from my bank account as a corper was in my wallet. I presented that. Mummy police dey eye the ID card like say na rat poison o.. After much sha, she looked up..
Mummy Police: Okon, give Mr *** a call and see if he is expecting this young man and take him in if he is.
No be small relief flood my body o.. I jejely collected my letter while Police Man placed a call to Oga’s Secretary.
PoliceMan: Madam, his secretary says they have been expecting him, I’ll take him over.
Mummy Police: All right then, just make it snappy.
Police man prepared a temporary gate pass for yours truly and proceeded to lead me through. The guy just dey try walk side by side with me. Which pattern?
As we neared the office, the guy cleared his throat,
PoliceMan: Ah, e be like say you know persin for HR o, because company never employ for like 5 years o.
Which one the guy come dey speak pidgin na? after all im hassling me?
Me: No o, na just God do am o.. My papa na lecturer for University o.. Im no know anybody o.
PoliceMan: Mbok! Na so una dey always talk! Na the office be this sha. O boy e don better for you o. Anything for your man? At least make me sef drink beer follow you celebrate o.. U know say na me call you enter that time o, u for still dey outside.
Olodo, so na small thing you dey find before come make u dey try harass me.
Me: Oga, Nothing dey today, I still dey come here tomorrow, I go roger una small thing tomorrow
The guy no wan waka comot o. Thankfully secretary saw me through the glass door and motioned for me to come over.
Me: Oga, thank you, I no dey run, I full ground. I go represent..
As the guy see say nothing go drop , he turned to walk away.
Oloshi, im wan panic correct Naija boy before! Nonsense!
As God would have it, dem charter company car go drop us for hotel, so norrin’ doing for the police man..
9 thoughts on “In which I recall my memories of being a new hire…”
Jokes! Hungry or should i say greedy security guards is good brand representation. So if you were an impersonator and you gave him egunje won't he let you in? Shio….
Memorable first day… Ever seen the guy since?
Ha ha ha. Why you too come give the policeman small hope sef? You for just tell am say you just dey manage. The popular line, "Oga, I be student." lol. Funny memories.
Hilarious. I enjoyed the broken english
Hahaha, as a sharp Naija boy, fear-fear on the inside but "un-shaken" on the outside 🙂
Def need more posts like this from you; didnt want it to end
Na wa oh, the guy just dey harrass you anyhow…anyway, no shaking, the letter confirm…love the pidgin.
Lol. This cracked me up. Naija na always Naija. correct pidgin. as per original naija boy, no shaking and nothing for that maga wey dey think say him be James Bond oh, u for no promise am sef.
Hahahahahahahahahahahahahaha… I don die for laugh.
Hahahahhaaahaha! The pidgin engleesh dey on point..lool
I enjoyed every bit of it.
Funny!! yeye policemen.
Kent believe you can write in pidgin and well too after all the supry supry grammatified English voice i am accustomed to.